ಹನುಮನ ನೋಡಿದಿರಾ

ಇಡುವಹಿ: ಎಲ್ಲಿ ಹನುಮನೋ ಅಲ್ಲಿ ರಾಮನು 
ರಚನೆ: ಚಿ. ಉದಯಶಂಕರ್ 
ಸಂಗೀತ: ಉಪೇಂದ್ರ ಕುಮಾರ್ 
ಗಾಯಕ: ಡಾ. ರಾಜಕುಮಾರ್ 

ಹನುಮನ ನೋಡಿದಿರಾ, ನಮ್ಮ, ಹನುಮನ ನೋಡಿದಿರಾ ।೨।
ರಾಮಚಂದ್ರನಿಗೆ ಪ್ರೀತಿಪಾತ್ರನು, ವಾಯುದೇವರ ಪ್ರೇಮದ ಸುತನು 
ಹನುಮನ ನೋಡಿದಿರಾ ।೨।
ಅವನ ಸಾಹಸ ಕೇಳಿದಿರಾ 

ನಾನು ಎಂಬುವ ಮಾತ ಅರಿಯದೇ, ನನದು ಎನ್ನುವ ನುಡಿಯನಾಡದೇ ।೨।
ನೀನೇ ಎನ್ನುತ ಸೇವೆ ಮಾಡಿ ಶ್ರೀರಾಮನ ನಂಬಿ ಬಾಳಿದ ನಮ್ಮ 
ಹನುಮನ ನೋಡಿದಿರಾ, ನಮ್ಮ, ಹನುಮನ ನೋಡಿದಿರಾ

ಶಕ್ತನೆನ್ನುತಾ ಸೊಕ್ಕಿ ಮೆರೆಯದೆ, ಭಕ್ತನೆನ್ನುತಾಡಂಭ ಮಾಡದೆ ।೨।
ರಾಮಚಂದ್ರನ ಸೇವೆಗಾಗಿ, ಶ್ರೀರಾಮಚಂದ್ರನ ಸೇವೆಗಾಗಿ ಭುವಿಯಲಿ ಜನ್ಮವನ್ನೆತ್ತಿದ
ನಮ್ಮ, ಹನುಮನ ನೋಡಿದಿರಾ ।೨।

ಕಡಲ ಹಾರಿದನು ಸೀತೆಗಾಗಿ, ಸೇತುವೆ ಕಟ್ಟಿದ ರಾಮನಿಗಾಗಿ ।೨।
ಬೆಟ್ಟ ಹೊತ್ತ ಲಕ್ಷ್ಮಣನಿಗಾಗಿ, ಪ್ರಭು ಚರಣದೆ ಶಿರ ಬಾಗಿದ ತನಗಾಗಿ 
ಹನುಮನ ನೋಡಿದಿರಾ, ನಮ್ಮ, ಹನುಮನ ನೋಡಿದಿರಾ

ರಾಮಚಂದ್ರನಿಗೆ ಪ್ರೀತಿಪಾತ್ರನು, ವಾಯುದೇವರ ಪ್ರೇಮದ ಸುತನು 
ಹನುಮನ ನೋಡಿದಿರಾ ।೨।
ನಮ್ಮ, ಹನುಮನ ನೋಡಿದಿರಾ

Song: Hanumana Nodidira
Album: Elli Hanumano Alli Ramanu