ನಿನ್ನಾ ಸ್ನೇಹಕೆ

ಚಿತ್ರ: ಭಾಗ್ಯವಂತರು
ರಚನೆ: ಚಿ. ಉದಯಶಂಕರ್
ಸಂಗೀತ: ರಾಜನ್-ನಾಗೇಂದ್ರ
ಗಾಯಕರು: ಡಾ. ರಾಜಕುಮಾರ್,  ಪಿ. ಸುಶೀಲ

ಗಂ: ನಿನ್ನಾ ಸ್ನೇಹಕೆ, ನಾ ಸೋತುಹೋದೆನೂ
        ಎಲ್ಲಾ ದೇವರ ನಾ ಬೇಡಿಕೊಂಡೆನು
        ದೇವರ ವರವೋ, ಪುಣ್ಯದ ಫಲವೋ ಕಾಣೆನೂ
        ನಿನ್ನ ನಾ ಪಡೆದೆನು, ಓ
ಹೆ:  ನಿಮ್ಮಾ ಸ್ನೇಹಕೆ, ನಾ ಸೋತುಹೋದೆನೂ
        ಎಲ್ಲಾ ದೇವರ ನಾ ಬೇಡಿಕೊಂಡೆನು
        ದೇವರ ವರವೋ, ಪುಣ್ಯದ ಫಲವೋ ಕಾಣೆನೂ
        ನಿಮ್ಮ ನಾ ಪಡೆದೆನು

ಗಂ: ಓ, ನಿನ್ನಾ ಸ್ನೇಹಕೆ, ನಾ ಸೋತುಹೋದೆನೂ
        ಎಲ್ಲಾ ದೇವರ ನಾ ಬೇಡಿಕೊಂಡೆನು

ಗಂ: ನಿನ್ನಾ ನಾನು ಕಂಡಾಗ, ಮಲ್ಲಿಗೆಯಂತೆ ನಕ್ಕಾಗ
        ನನ್ನ ಮನದಲಿ ಆಸೆ ಮೂಡಿತು
ಹೆ:  ಅಂದೂ ನೀವು ಬಂದಾಗ, ಮಲ್ಲಿಗೆ ಹೂವು ತಂದಾಗ
        ನನ್ನ ಹೃದಯದ ವೀಣೆ ಹಾಡಿತು
ಗಂ: ಪ್ರೇಮದ ದೇವತೆ ಆದೆ, ನನ್ನಲ್ಲಿ ಒಂದಾಗಿ ಇಂದು ಸೇರಿದೆ
ಹೆ:  ಪ್ರೇಮದ ಮೂರುತಿ ಆದೆ, ನನ್ನಲ್ಲಿ ಆನಂದ ತಂದು ತುಂಬಿದೆ
ನನ್ನಲ್ಲಿ ಆನಂದ ತಂದು ತುಂಬಿದೆ

ಗಂ: ನಿನ್ನಾ ಸ್ನೇಹಕೆ, ನಾ ಸೋತುಹೋದೆನೂ
ಹೆ:  ಎಲ್ಲಾ ದೇವರ ನಾ ಬೇಡಿಕೊಂಡೆನು

ಹೆ:  ನನ್ನೀ ಬಾಳಿನ ದೀಪ, ನಿಮ್ಮದೆ ಈ ಪ್ರತಿರೂಪ
ಗಂ: ಆ.. ನಿನ್ನೀ ಕಂದನ ರೂಪ, ಬೆಳಗುವ ನಂದಾ ದೀಪ
ಹೆ:  ಮೈ ಮರೆಸಿ ನಮ್ಮ ಮನ ತಣಿಸಿ, ಹರುಷದ ಹೊನಲನು ಹರಿಸೀ
ಜೊ: ಇಂದು ಈ ಮುದ್ದು ಕಂದ, ತಂದ ನಮಗಾನಂದ

ಹೆ:  ಓ.. ನಿಮ್ಮಾ ಸ್ನೇಹಕೆ, ನಾ ಸೋತುಹೋದೆನೂ
ಗಂ: ಎಲ್ಲಾ ದೇವರ ನಾ ಬೇಡಿಕೊಂಡೆನು

ಗಂ: ಅಮ್ಮ ಎಂದು ಅಂದಾಗ, ಅಮ್ಮನ ಮೊಗವ ಕಂಡಾಗ
        ಏನೋ ಹರುಷವು ನನ್ನಾ ಮನದಲಿ

ಹೆ:  ಅಪ್ಪ ಎಂದು ಅಂದಾಗ,  ಪ್ರೀತಿ ಮಾತು ನುಡಿದಾಗ
        ಹಾಡಿ ಕುಣಿಯುವ ಆಸೆ ನನ್ನಲಿ
        ಯಂತಹ ಭಾಗ್ಯವ ಕಂಡೆ, ಜೇನಂತ ಮಾತಿಂದ ಹೃದಯ ತುಂಬಿದೆ
ಗಂ: ಯಂತಹ ಭಾಗ್ಯವ ತಂದೆ, ಹೆಣ್ಣಾಗಿ ಕಣ್ಣಾಗಿ ಮನೆಯ ತುಂಬಿದೆ
        ಹೆಣ್ಣಾಗಿ ಕಣ್ಣಾಗಿ ಮನವ ತುಂಬಿದೆ

ಗಂ: ನಿನ್ನಾ ಸ್ನೇಹಕೆ, ನಾ ಸೋತುಹೋದೆನೂ
ಹೆ:  ಎಲ್ಲಾ ದೇವರ ನಾ ಬೇಡಿಕೊಂಡೆನು
ಜೊ: ದೇವರ ವರವೋ, ಪುಣ್ಯದ ಫಲವೋ ಕಾಣೆನೂ
ಗಂ: ನಿನ್ನ ನಾ ಪಡೆದೆನು
ಹೆ:  ಓ, ಲಾ ಲ ಲಾ ಲ ಲಾ
ಗಂ: ಆ.. ಲಾ ಲ ಲಾ ಲ ಲಾ
ಹೆ:  ಲಾ ಲ ಲಾ ಲ ಲಾ
ಗಂ: ಆ.. ಲಾ ಲ ಲಾ ಲ ಲಾ

Song: Ninnaa Snehake
Movie: Bhagyavantaru