ಕಣ್ಣಲ್ಲಿ ಏನೋ ಮಿಂಚೊಂದು

ಚಿತ್ರ: ವಸಂತಗೀತ 
ರಚನೆ: ಚಿ. ಉದಯಶಂಕರ್ 
ಸಂಗೀತ: ಎಂ. ರಂಗರಾವ್ 
ಗಾಯಕ: ಡಾ. ರಾಜಕುಮಾರ್ 

ಕಣ್ಣಲ್ಲಿ ಏನೋ ಮಿಂಚೊಂದು  ಕಂಡಿತ್ತಲ್ಲ 
ನಿನ್ನಾಸೆ ಏನೋ ನಾನೆಂದು ಕಾಣೆನಲ್ಲ 
ಕೋಪವೋ, ತಾಪವೋ ।೨।
ನಡುಗಿದೆ ತುಟಿ ಏತಕೇ 
ಕಣ್ಣಲ್ಲಿ ಏನೋ ಮಿಂಚೊಂದು  ಕಂಡಿತ್ತಲ್ಲ 

।। ಒಳ್ಳೆ ವಯಸು ಒಳ್ಳೆ ಸೊಗಸು ಏಕೆ ಹೀಗಾಯಿತು ಮನಸು 
ಕಣ್ಣು ಚನ್ನ ಬಣ್ಣ ಚೆನ್ನ ನಾ ಕಾಣೆ ಹೀಗೇಕೆ ಮುನಿಸು ।।೨।।
ಈ ರೋಷವೋ ಆ ವೇಷವೋ ಈ ದ್ವೇಷವೋ ಆಕ್ರೋಶವೋ 
ಚೆಲುವೆಯೆ ನಿನಗೇತಕೇ 

ಕಣ್ಣಲ್ಲಿ ಏನೋ ಮಿಂಚೊಂದು  ಕಂಡಿತ್ತಲ್ಲ 
ನಿನ್ನಾಸೆ ಏನೋ ನಾನೆಂದು ಕಾಣೆನಲ್ಲ 

।। ಚೆಲುವೆ ಮೊಗದಿ ಗೆಲುವ ಕಂಡೆ ಎಲ್ಲಿ ಏನಾಯಿತೊ ಕಾಣೆ 
ಚೆಲುವ ಹಿಂದೆ ಛಲವ ಕಂಡೆ ಅಮ್ಮಮ್ಮ ನೀನೆಂತ ಜಾಣೆ  ।।೨।।
ನಿನ್ನಾಸೆಯ ನಾ ಬಲ್ಲೆನು ಇನ್ನಾರೇನು ನಾ ಬಲ್ಲೆನು 
ಸರಸಕೆ ಬರಲಾರೆಯ 

ನಿನ್ನಂತ ನೂರು ಹೆಣ್ಣನ್ನು ನಾನು ಬಲ್ಲೇ 
ನನ್ನಲ್ಲಿ ಇನ್ನು ನಿನ್ನಾಟ ಸಾಗದಲ್ಲೆ 

।। ಬಳಿಗೆ ಬರುವ ಮನವ ಗೆಲುವ ಆಸೆ ನನ್ನಲ್ಲಿ ಬಂತೇ 
ಸರಸದಿಂದ ನಿನ್ನ ಬೆರೆವೆ ಬಾ ಹೇಳು ಇನ್ನೇಕೆ ಚಿಂತೆ ।।೨।।
ನಿನಗಾಗಿಯೆ ನಾನಿಲ್ಲವೆ ನನ್ನಸೆಯು ನಿನಗಿಲ್ಲವೆ 
ನಿಜವನು ನುಡಿ ಸುಂದರಿ 

ನಿನ್ನಂತ ನೂರು ಹೆಣ್ಣನ್ನು ನಾನು ಬಲ್ಲೇ 
ನನ್ನಲ್ಲಿ ಇನ್ನು ನಿನ್ನಾಟ ಸಾಗದಲ್ಲೆ 

Song: Kannalli Eno
Movie: Vasantha Geetha