ನಾನೊಬ್ಬ ಕಳ್ಳನು

ಚಿತ್ರ: ನಾನೊಬ್ಬ ಕಳ್ಳ 
ರಚನೆ: ಚಿ. ಉದಯಶಂಕರ್ 
ಸಂಗೀತ: ರಾಜನ್-ನಾಗೇಂದ್ರ 
ಗಾಯಕ: ಡಾ. ರಾಜಕುಮಾರ್ 

ನಾನೊಬ್ಬ ಕಳ್ಳನು ನಾನೊಬ್ಬ ಸುಳ್ಳನು 
ಬಲು ಮೋಸಗಾರನು ಸೇರಿಯೇನು ।೨।
ನಾ ಖನ್ನ ಹಾಕಿ ನುಗ್ಗೋದೆ ಬಾಕಿ 
ದೋಚೋದೆ ದೋಚಿ ಬಾಚೋದು ಬಾಚಿ 
ನಾ ಸೂರೆ ಮಾಡುವೆ ನಿನಗೇನು 

ನಾನೊಬ್ಬ ಕಳ್ಳನು ನಾನೊಬ್ಬ ಸುಳ್ಳನು 
ಬಲು ಮೋಸಗಾರನು ಸೇರಿಯೇನು ।೨।

ಚೆಲುವೆಯನು ನೋಡಿದೆನು, ಸನಿಹದಲಿ ಸೇರಿದೆನು 
ಕಣ್ಣಿನಲೆ ಅಂದವನು, ಬಿಡಿಸದಯೇ ದೋಚಿದೆನು 
ಅಪಹರಿಸಿ ಹೃದಯವನು, ಹೇಳದೆ ಕೇಳದೆ ಹೋದವನು ।೨।
ರುಚಿಯಾದ ಹಣ್ಣನು, ಸೊಗಸಾದ ಹೆಣ್ಣನು 
ಬೇಡೆಂದು ಹೋಗವನು ನಾನೇನು ।೨।
ಎದೆಯಲ್ಲು ನಿನ್ನ ಎದುರಲ್ಲು ನೀನು ।೨।
ಇದಕ್ಕಿಂತ ಸೌಭಯ ಬೇಕೇನು 

ನಾನೊಬ್ಬ ಕಳ್ಳನು ನಾನೊಬ್ಬ ಸುಳ್ಳನು 
ಬಲು ಮೋಸಗಾರನು ಸೇರಿಯೇನು ।೨।

ಮನಸಿಗೆ ನಾ ಖನ್ನವನು ಹಾಕಿದೆನು ನುಗ್ಗಿದೆನು 
ಒಲವನ್ನು ಕದ್ದವನು ಬಳಿಯಲ್ಲೇ ಕಾದಿಹೆನು 
ಕೈ ಹಿಡಿದು ಬರಸೆಳೆದು ದಂಡನೆ ಕೊಡದಿರೆ ನಾ ಬಿಡೆನು ।೨।
ಯಾರೇನೆ ಅನ್ನಲಿ ಊರಾಚೆ ತಳ್ಳಲಿ
ನಾ ಕದ್ದ ಹೃದಯ ಕೊಡಲಾರೆ 
ನಾ ಗೆದ್ದ ಹುಡುಗಿಯ ಬಿಡಲಾರೆ 
ನಿನ್ನಿಂದ ತಾನೆ ಕಳ್ಳನಾದೆ
ನಿನ್ನಂದ ತಾನೆ ನಾ ಕದ್ದು ಹೋದೆ
ನೀ ತಾನೇ ನನಗೆ ಗುರುವಾದೆ

ನಾನೊಬ್ಬ ಕಳ್ಳನು ನಾನೊಬ್ಬ ಸುಳ್ಳನು 
ಬಲು ಮೋಸಗಾರನು ಸೇರಿಯೇನು ।೨।

Song: Naanobba Kallanu
Movie: Naanobba Kalla