ನಾ ಹೇಳಲಾರೆ ನಾ ತಾಳಲಾರೆ

ಚಿತ್ರ: ಒಲವು ಗೆಲುವು 

ರಚನೆ: ಎಸ್. ಜಾನಕಿ 

ಸಂಗೀತ: ಜಿ. ಕೆ. ವೆಂಕಟೇಶ್ 

ಗಾಯಕ: ಡಾ. ರಾಜಕುಮಾರ್ 

।। ನಾ ಹೇಳಲಾರೆ, ನಾ ತಾಳಲಾರೆ 
    ಹರುಷ ತುಂಬಿ ಬಂದು ಮನದಲಿಂದು, ಏನೊ ಕಾತುರ ।।೨।।

ಯಾರಿಗುಂಟು ಇಂಥ ಭಾಗ್ಯವಿಂದು
ಜಗದಲಿ ಯಾರಿಗುಂಟು ಇಂಥ ಸೌಖ್ಯವಿಂದು
ಈ ಸೋದರಿ, ಆ ಸೋದರ ।೨।
ಹಿತವನ್ನೆ ತೋರುವಾ, ಆನಂದ ನೀಡುವಾ
ಇವರೆ ನನ್ನ ಜೀವ

ನಾ ಹೇಳಲಾರೆ, ನಾ ತಾಳಲಾರೆ 
ಹರುಷ ತುಂಬಿ ಬಂದು ಮನದಲಿಂದು, ಏನೊ ಕಾತುರ 

ಅಣ್ಣ, ನಿನ್ನ ರೂಪ ಮರೆಯಲಾರೆ 
ಎಂದಿಗು ನಿನ್ನ ಅಂತರಂಗ ಅರಿಯಲಾರೆ 
ಆ ಸ್ನೇಹವ, ಆ ಪ್ರೇಮವ ।೨।
ಇನ್ನೆಲ್ಲಿ ನೋಡುವೇ, ನಿನ್ನಲ್ಲೇ ಕಾಣುವೆ 
ನೀನು ದೇವರಂತೆ 

ನಾ ಹೇಳಲಾರೆ, ನಾ ತಾಳಲಾರೆ 

ಹರುಷ ತುಂಬಿ ಬಂದು ಮನದಲಿಂದು, ಏನೊ ಕಾತುರ 
ಹಾ ಆ ಅ ಹಾ ಹ, ಓ ಲಾ ಲ ಲಾ ಲ 

Song: Naa Helalaare Naa Taalalaare
Movie: Olavu Geluvu