ಜನುಮ ಜೋಡಿಯಾದರು

ಚಿತ್ರ: ಜನುಮದ ಜೋಡಿ 
ರಚನೆ: ವಿ. ಮನೋಹರ್ 
ಸಂಗೀತ:  ವಿ. ಮನೋಹರ್ 
ಗಾಯಕ: ಡಾ. ರಾಜಕುಮಾರ್ 

ಜನುಮ ಜೋಡಿಯಾದರು ಏಕೆ ಅಂತರ 
ಜೀವ ಜೀವ ನಡುವಲಿ ಏಕೆ ಕಂದರ 
ಮಧುರ ಗೀತೆ ಕೂಡ ಹೀಗೇಕೆ ಘೋರ 
ಜನುಮ ಜೋಡಿಯಾದರು ಏಕೆ ಅಂತರ 

ಜೀವ ಜೀವ ನಡುವಲಿ ಏಕೆ ಕಂದರ 

ಕಡಲೀನ ಒಡಲು ಮುಗಿಲೀನ ಸಿಡಿಲು, ಮಳೆ ಮಿಂಚು ಸೆಳೆದ ಬಾಳೆಲ್ಲವು 
ಎಲೆ ಮೇಲೆ ಹನಿಯು ಮುತ್ತಂತ ಮಣಿಯು, ಬಿರುಗಾಳಿ ಬೀಸಿ ಸುಳಿ ಆದವು 
ನೆರೆ ಬಂದು ಸೆರೆಯಾಯಿತು ಎದೆ ಆಳದಿ 
ಕಣ್ಣೀರೆ ಮಾತಾಯಿತು ಮನದಾಳದಿ 
ಹೊರಗೆ ನಗೆಯ ಲೀಲೆ, ಒಳಗೆ ಜ್ವಾಲೆ 

ಜನುಮ ಜೋಡಿಯಾದರು ಏಕೆ ಅಂತರ 

ಜೀವ ಜೀವ ನಡುವಲಿ ಏಕೆ ಕಂದರ 

ಕನಸೆಲ್ಲ ಬೆಂದು ಬರಿದಾಗೊ ಬದಲು, ನನಸಾಗೊ ವೇಳೆ ಬರಬಾರದೆ 
ಈ ಜೀವವೆರಡು ಒಂದೊಂದು ತೀರ, ದಡಕೋರೊ ದೋಣಿ ಸಿಗಬಾರದೆ 
ಶುಭದಾಶೆ ಗುಣವೇ ವರವಾಗು ಬಾ
ಅಂಗಯ್ಯ ಗೆರೆಯೆ ಬದಲಾಗಿ ಬಾ 
ಕರಗಲೀಗ ಮೇಘ, ಕರಿಮುಗಿಲು ದೂರ 

ಜನುಮ ಜೋಡಿಯಾದರು ಏಕೆ ಅಂತರ 


ಜೀವ ಜೀವ ನಡುವಲಿ ಏಕೆ ಕಂದರ 
ಮಧುರ ಗೀತೆ ಕೂಡ ಹೀಗೇಕೆ ಘೋರ 

Song: Januma Jodiyadaru
Movie: Janumada Jodi