ನಿನ್ನ ನುಡಿಯು ಹೊನ್ನ ನುಡಿಯು

ಚಿತ್ರ: ಬಡವರ ಬಂಧು
ರಚನೆ: ಚಿ. ಉದಯಶಂಕರ್
ಸಂಗೀತ: ಎಂ. ರಂಗರಾವ್
ಗಾಯಕ/ನಟ: ಡಾ. ರಾಜಕುಮಾರ್

ನಿನ್ನ ನುಡಿಯು ಹೊನ್ನ ನುಡಿಯು, ಜೇನ ಹನಿಯು ಹೃದಯಕೆ
ನನ್ನ ಎದೆಯ ವೀಣೆ ತಂತಿಯ, ಮೀಟಿ ಓಡಿದೆ ಏತಕೆ
ನಿನ್ನ ನುಡಿಯು ಹೊನ್ನ ನುಡಿಯು, ಜೇನ ಹನಿಯು ಹೃದಯಕೆ

ನೆಡೆವ ಹಾದಿಗೆ ನಗೆಯ ಹೂವನು ಚೆಲ್ಲಿದಾಗಲು ಕಾಣದೆ ।೨।
ಕಣ್ಗಳಿಂದಲೇ ಪ್ರಣಯ ಕಾವ್ಯವ ಹಾಡಿದಾಗಲು ಕೇಳದೆ
ನಿನ್ನನರಿಯದೆ ಹೋದೆನು, ಮನಸ ತಿಳಿಯದೆ ಹೋದೆನು
ಕನಸಿನಲ್ಲಿ ಕಂಡ ಹಣ್ಣಿಗೆ ಆಸೆ ಪಡುವಂತಾದೆನು

ನಿನ್ನ ನುಡಿಯು ಹೊನ್ನ ನುಡಿಯು, ಜೇನ ಹನಿಯು ಹೃದಯಕೆ

ಕಂಡು ಕಾಣದ ಮಿಂಚಿನಂತೆ ಸುಳಿದು ಓಡಿದೆ  ದೂರಕೆ ।೨।
ತಂದು ಬಯಕೆಯ ತುಂಬಿ ನನ್ನಲಿ ಇಂದು ಕೆಣಕಿದೆ ಏತಕೆ
ನೀನು ಗಗನದ ಕುಸುಮವು ನಾನು ಭೂಮಿಯ ಭ್ರಮರವು
ಮಗುವಿನಾಸೆಯು ಸಹಜವಾಗಲು ಸೇರಲೆಲ್ಲಿದೆ ಹಾದಿಯು

ನಿನ್ನ ನುಡಿಯು ಹೊನ್ನ ನುಡಿಯು, ಜೇನ ಹನಿಯು ಹೃದಯಕೆ
ನನ್ನ ಎದೆಯ ವೀಣೆ ತಂತಿಯ, ಮೀಟಿ ಓಡಿದೆ ಏತಕೆ
ನಿನ್ನ ನುಡಿಯು ಹೊನ್ನ ನುಡಿಯು, ಜೇನ ಹನಿಯು ಹೃದಯಕೆ

Movie: Badavara Bandu Song: Ninna Nudiyu Honna Nudiyu Singer: Dr. Rajkumar