ಕೋಪವೇತಕೆ ನನ್ನಲೀ

ಚಿತ್ರ: ನಾನೊಬ್ಬ ಕಳ್ಳ 
ರಚನೆ: ಚಿ. ಉದಯಶಂಕರ್ 
ಸಂಗೀತ: ರಾಜನ್-ನಾಗೇಂದ್ರ 
ಗಾಯಕ/ನಟ: ಡಾ. ರಾಜಕುಮಾರ್ 

।। ಕೋಪವೇತಕೆ ನನ್ನಲೀ ಹೇಳುಬಾ ಪ್ರೇಯಸೀ 
    ಹೇ ನನ್ನ ಬಂಗಾರದಾ ಜಿಂಕೆಯೆ, ಏಕೆ ಓಡಿದೆ ನನ್ನ ನೋಡದೆ 
    ಮಾತನಾಡದೆ ಪ್ರೀತಿ ತೋರದೆ ।।೨।।

ಒಲಿದರೂ ನೀನು ಮುನಿದರೂ ನೀನು ನಿನ್ನಲ್ಲೇ ಪ್ರಾಣವು 
ಸಿಡಿಲಿನಾ ಹಾಗೆ ಸಿಡಿದರೆ ನೀನು ನಿನ್ನಲ್ಲೇ ಪ್ರೇಮವು 
ಸರಸದ ವೇಳೆ ವಿರಸವು ಏಕೆ ಬಂದೆನ್ನ ಸೇರದೆ 
ಒಲವಿನ ಮಾತು ನುಡಿಯದೆ ನೀನು ಉಲ್ಲಾಸ ಮೂಡದೆ 
ಇನ್ನೂ ಕನಸಿನಲು ನಿನ್ನ ಕೆರಳಿಸೆನು ನಿನ್ನ
ನನ್ನನ್ನು ನೋಡು ನವಿಲಂತೆ ನೋಡು ಆನಂದ ನೀಡು 

ಹೇ ನನ್ನ ಬಂಗಾರದಾ ಜಿಂಕೆಯೆ, ಏಕೆ ಓಡಿದೆ ನನ್ನ ನೋಡದೆ  ಮಾತನಾಡದೆ ಪ್ರೀತಿ ತೋರದೆ

ಮುಗಿಲಿನ ಮರೆಯ ಚಂದ್ರನಾ ಹಾಗೆ ಮಂಕಾದೆ ಏತಕೆ 
ಎಲೆಗಳಾ ಮರೆಯ ಕೋಗಿಲೆ ಹಾಗೆ ಸಂಕೋಚ ಏತಕೆ 
ಬಿಸಿಲನು ಕಂಡು ಕರಗುತಾ ಹೋಗೊ ಮಂಜಂತೆ ಆದೆನು 
ತಿಳಿಯದೆ ನಾನು ದುಡುಕಿದ ರೀತಿ ತಪ್ಪೆಂದು ಬಲ್ಲೆನು 
ನೀನು ಬಳಿಯಿರಲು ಚೆನ್ನ ಬಳುಕುತಿರೆ ಚೆನ್ನ ನಗುತಿರಲು ಚೆನ್ನ 
ನೆಲದಿರಲು ಚೆನ್ನ ಬಾ ನನ್ನ ಚಿನ್ನ 

ಹೇ ನನ್ನ ಬಂಗಾರದಾ ಜಿಂಕೆಯೆ, ಏಕೆ ಓಡಿದೆ ನನ್ನ ನೋಡದೆ ಮಾತನಾಡದೆ ಪ್ರೀತಿ ತೋರದೆ
ಕೋಪವೇತಕೆ ನನ್ನಲೀ ಹೇಳುಬಾ ಪ್ರೇಯಸೀ 
ಹೇ ನನ್ನ ಬಂಗಾರದಾ ಜಿಂಕೆಯೆ, ಏಕೆ ಓಡಿದೆ ನನ್ನ ನೋಡದೆ 

ಲಾ ಲ ಲಾ ಲ ಲ .... 

Song: Kopavethake Nannali
Movie: Nanobba Kalla