ನಿನ್ನ ಕಂಗಳ ಬಿಸಿಯ ಹನಿಗಳು

ಚಿತ್ರ: ಬಡವರ ಬಂಧು
ರಚನೆ: ಚಿ. ಉದಯಶಂಕರ್
ಸಂಗೀತ: ಎಂ. ರಂಗರಾವ್
ಗಾಯಕ: ಡಾ. ರಾಜಕುಮಾರ್

ನಿನ್ನ ಕಂಗಳ ಬಿಸಿಯ ಹನಿಗಳು ನೂರು ಕಥೆಯ ಹೇಳಿವೆ
ನಿನ್ನ ಪ್ರೇಮದ ನುಡಿಯ ಕೇಳಿ ನೂರು ನೆನಪು ಮೂಡಿವೆ
ನಿನ್ನ ಕಂಗಳ ಬಿಸಿಯ ಹನಿಗಳು ನೂರು ಕಥೆಯ ಹೇಳಿವೆ

ತಂದೆಯಾಗಿ ತಾಯಿಯಾಗೆ ಮಮತೆಯಿಂದ ಬೆಳೆಸಿದೆ ।೨।
ಬಿಸಿಲು ಮಳೆಗೆ ನರಳದಂತೆ ನಿನ್ನ ನೆರಳಲಿ ಸಲಹಿದೆ
ಆ ಪ್ರೀತಿಯ ಮನ ಮರೆವುದೆ

ನಿನ್ನ ಕಂಗಳ ಬಿಸಿಯ ಹನಿಗಳು ನೂರು ಕಥೆಯ ಹೇಳಿವೆ
ನಿನ್ನ ಪ್ರೇಮದ ನುಡಿಯ ಕೇಳಿ ನೂರು ನೆನಪು ಮೂಡಿವೆ

ಬಳ್ಳಿಯಂತೆ ತಬ್ಬಿ ನಿನ್ನ ಆಸರೆಯಲಿ ಬೆಳೆದೆನು ।೨।
ನನ್ನ ತಾಯಿಯ ಪಾದದಾಣೆ ಬೇರೆ ಏನನು ಅರಿಯೆನು
ನೀನೆ ನನ್ನ ದೇವನು

ನಿನ್ನ ಕಂಗಳ ಬಿಸಿಯ ಹನಿಗಳು ನೂರು ಕಥೆಯ ಹೇಳಿವೆ
ನಿನ್ನ ಪ್ರೇಮದ ನುಡಿಯ ಕೇಳಿ ನೂರು ನೆನಪು ಮೂಡಿವೆ

ನೀನು ನಕ್ಕರೆ ನಾನು ನಗುವೇ, ಅತ್ತರೆ ನಾ ಅಳುವೆನು ।೨।

ನಿನ್ನ ಉಸಿರಲಿ ಉಸಿರು ಬೆರೆಸಿದೆ ನಿನ್ನಲೊಂದಾಗಿರುವೆನು 

ನಾ ನಿನ್ನ ಕಾಣದೆ ಬದುಕೆನು 

ನಿನ್ನ ಕಂಗಳ ಬಿಸಿಯ ಹನಿಗಳು ನೂರು ಕಥೆಯ ಹೇಳಿವೆ
ನಿನ್ನ ಪ್ರೇಮದ ನುಡಿಯ ಕೇಳಿ ನೂರು ನೆನಪು ಮೂಡಿವೆ
ನೂರು ನೆನಪು ಮೂಡಿವೆ

Song: Ninna Kangala Bisiya Hanigalu Movie: Badavara Bandu Singer: Dr. Rajkumar

Video Link